د شري ناروغۍ؛ په بادغیس کې ۳۵۲ ماشومان پرې اخته او ۴ مړه شوي

په بادغیس کې د طالبانو چارواکي وايي، روان میلادي کال چې دوې میاشتې یې کېږي، په دغه ولایت کې په شري یا سرخکان د ماشومانو د اخته کېدو ۳۵۲ پېښې ثبت شوي چې له دې جملې ۴ ماشومان مړه شوي دي.  


د بادغیس د روغتیا ریاست مرستیال ډاکټر صفي الله خادم ازادۍ راډیو ته وویل، په تېر ۲۰۲۱کال کې د شري ۳۷۵ مثبتې پېښې ثبت شوې چې سږکال یې په شمېر کې خورا زیاتوالی ښيي.  


تر دې مخکې د بدخشان چارواکو په دې ولایت کې د دوو میاشتو په موده کې په شري ناروغۍ د ۷۴ ماشومانو د مړینې خبر ورکړی و.