د کاناډا یو پخوانی ډیپلوماټ مایکل کووریګ (Michael Kovrig) نن دوشنبه په چین کې د جاسوسۍ په تور محاکمه کېږي. دغې قضیې د اوتاوا او پیکېنګ ترمنځ اړیکې ترینګلې کړې دي.
تر دې مخکې تېره جمعه د یوه بل کاناډايي تجار مایک سپاوور (Michael Spavor) محاکمه چې د تړلو دروازو تر شا وه، پای ته ورسېده.
سپاوورد ۲۰۱۸م کال په ډسمبر میاشت کې د کووریګ تر نیول کېدو وروسته نیول شوی و.
د دغو کاناډايي وګړو نیول کېدو ته تر ډېره د کاناډا لهخوا د چین د ټکنالوژۍ کمپنۍ هواوې د مالي افسر مینګ وانژو د نیول کېدو د سیاسي غچ اخیستنې په سترګه کتل کېږي. وانژو د ۲۰۱۸م کال په ډسمبر میاشت کې د امریکا په غوښتنه نیول شوی و.
د کاناډا او نورو غربي هېوادونو ډیپلوماتانو ته اجازه نهوه چې د سپاوور په محاکمه کې حضور ولري چې چینیې علت امنیتي ملحوظات ښوولي.
چین د نیول شویو کسانو د قضیې په اړه لږ توضېحات ورکړي دي.
