۱۳۹۹ کال کې د افغانستان د ملکي هوايي چلند ادارې عواید کم شوي
د دغې ادارې ویاند محمد نعیم صالحي نن ازادي راډیو ته وویل چې په دغه کال کې عواید ٩ سلنه راټیټ شوي دي.
نوموړي وویل چې په ١٣٩٩ لمریز کال کې د کرونا ویروس او قرنطین له امله پروازونه کم شول چې دې ادارې د ترانزیټي الوتنو له کمېدو څخه ٦٠ ملیونه افغانۍ زیان کړی.
د افغانستان د ملکي هوايي چلند ادارې په وینا، په دغه کال کې په ټوله کې ۵۳ زره کورني او ۳۵ زره نړیوال پروازونه ترسره شوي دي.