د ازادو سیالیو افغان لوبغاړی محمد سمیع فیضي د راتلونکې شنبې په ورځ په متحده عربي اماراتو کې له خپل ایټالوي سيال لونارډو ډیماني سره لوبه کوي.
د ۷۷ کیلوګرام وزن دا لوبه د عربي اماراتو د دوبۍ ښار په جېمره بیچ هوټل کې ترسره کېږي.
محمد سمیع فیضي تېره ورځ دوبۍ ته د سفر پر مهال په یو ویډیويي پیغام کې ویلي، دغو لوبو تهیې له تېرو دوو میاشتو راهیسې ښه تمرینونه کړي او کلک هوډ لري چې خپل ایټالوي سیال ته ماته ورکړي.