د بریتانیا د صدراعظم دفتر وايي، دې هېواد د روسیې د ناوړه نفوذ په وړاندې د اوکراین د مځکنۍ بشپړتیا او ملي حاکمیت د ملاتړ لپاره له کییف سره دوه اړخیزه موافقه لاسلیک کړه.
د بریتانیا-اوکراین سیاسي، ازاد تجارت او ستراتېژیک مشارکت موافقه پرون (پنجشنبه) بریتانیا ته د اوکراین د ولسمشر ولودیمیر زلنسکي د سفر په دوهمه ورځ لاسلیک شوه.
د بریتانیا د صدراعظم بوریس جانسون د دفتر له لوري د خپور شوي بیان لهمخې، دا موافقه د دوو هېوادونو ترمنځ د سوداګري، دفاعي او سیاسي همکاریو په شمول د دوه اړخېزو اړیکو د زیاتېدا بنسټ ږدي.
