کرونا د پاکستان پارلمان یو غړی او د بلوچستان پخوانی ګورنر مړه کړل
د پارلمان غړي شاهین رضا ۶۰ کاله عمر درلود او دا د قانون جوړونکو له ډلې لومړنی پاکستانی دی چې د کرونا له کبله مړ کېږي.
د پاکستان ولسمشر عارف علوي او صدراعظم عمران خان د نوموړي کورنۍ ته د تسلیت پیغامونه لېږلي دي.
د بلوچستان پخواني ګورنر سید فاضل اغا بیا د کراچۍ په یوه روغتون کې د کرونا له کبله ساه ورکړه.
د امریکا د جانز هاپکنز پوهنتون شمېرې ښيي، پاکستان کې نږدې ۴۶ زره کسان کرونا نیولي او له دې ډلې ۹۸۵ تنه مړه شوي دي.
پاکستان کې د اختر له رارسېدو سره سم بندیزونه نرم شوي او خلک بازارونو کې ازاد تګ راتګ کوي.