ایراني خبریال نجات بهرامي روانه اوونۍ خپل یو کال حبس پیل کړ

ایراني خبریال نجات بهرامي روانه اوونۍ خپل یو کال حبس پیل کړ. د بې‌پولي خبریالانو ټولنې ویلي دي چې د چارواکو له لوري په ایران کې د بیان د ازادۍ د مخنیوي په لور بل ګام واخیستل شو.


د بې‌پولې خبریالانو د ټولنې په وینا بهرامي د دوشنبې په ورځ په تهران کې اوین زندان ته انتقال شو.


بهرامي ازاد خبریال و چې په ایران کې یې یو شمېر رسنیو ته لیکنې کولې. د بې‌پولې خبریالانو ټولنه وایي چې بهرامي په تهران کې د انقلابي محکمې له لوري د ۲۰۱۹ کال په اګسټ میاشت کې د نظام پر ضد د تبلیغاتو او د عامه نظم د ګډوډولو په تور په یوه کال بند محکوم شو او د دوو کلونو په مخه له هر راز مطبوعاتي، سیاسي او اجتماعي فعالیت څخه منع شو.


تېره میاشت استېناف محکمې د بهرامي غوښته رد کړه.