"د باختر ګنجینې اثار په هانګ کانګ کې نندارې ته کېښودل کېږي"
د دې وزارت ویاند صابر مهمند پرون د اکټوبر په ۱۷مه ازادي راډیو ته وویل چې دا تاریخي اثار اوس د چین په اصلي خاوره کې دي.
صابر مهمند وایي: "دا اثار به راتلونکې میاشت د چین له موزیمه هانګ کانګ ته یوسو او هلته به یې نندارې ته کېږدو.
د افغانستان د اطلاعاتو او فرهنګ وزارت په وینا، د باختر ګنجینې اثار په جرمني، فرانسې، هالنډ، امریکا، جنوبي کوریا او یو شمېر نورو هېوادونو کې هم نندارې ته وړاندې شوي دي.
د باختر ګنجینې تاریخي اثار د کوشانیانو د زمانې او د برونزو په عصر پورې تړاو لري.