پاکستان د خبريالانو د خونديتوب کمېټې یو مسؤل په تور لېست کې شامل کړ
د دې نړيوالې ادارې اجرائيه رئيس نن ويلي: سره له دې چې سټيفن بټلر قانوني ويزه درلوده، بيا هم پرې نه ښودل شو چې په لاهور کې د علامه اقبال نړيوال هوايي ډګر کې ښکته شي او بېرته د امريکا متحدو ايالتونو ته ستون شوى دى.
بټلر وويل، ورته ويل شوي چې د کورنيو چارو وزرات په ممنوعه لېست کې يې نوم شامل دى.
د خبريالانو د خونديتوب کمېټې اجرائيه رئيس جوئل سايمون د سټيفن بټلر اخراج ګنګس کوونکى او د هغو کسانو پر مخ يې يوه څپېړه وبلله چې په پاکستان کې د مطبوعاتو د ازادۍ په سوچ کې دي.
سايمون په يوه اعلاميه کې وويل: په لاهور کې د هوايي ډګر چارواکو د بټلر پاسپورټ ضبط کړ او دى يې مجبوره کړ چې قطر ته پرواز وکړي.
د پاکستان چارواکو سم دلاسه د دې موضوع په اړه تبصره نه ده کړې.