د افغانستان د پوځ یوه څرخي الوتکه د حیرتان بندر ته څېرمه رالوېدلې ده
د هوايي ځواکونو دغه څرخي الوتکه د حیرتان سوداګریز بندر ته څېرمه رالوېدلې ده.
دغه وزارت پرون په يوه اعلاميه کې وويل، دا څرخي الوتکه ملي اردو د ٧٧٧ مې قطعې مربوط وه.
بلخوا، په شمال کې زون کې د ٢٠٩ شاهين قول اردو وياند محمد حنيف رضايي د دې پېښې په اړه پرون ازادۍ راډيو ته وويل:
"دا يوه روزنيزه الوتنه وه، چې پرون د مازيګر پنځه بجې او ٣٠ دقيقې له تخنيکي ستونزې سره مخامخ شوې ده، پيلوټان مجبوره شوي، چې اضطراري ناسته وکړي. الوتکه د ناستې پر وخت پر ځمکه لګېدلې ده."
دفاع وزارت د دې الوتکې د نسکورېدو پر پېښه خواشيني ښوولې ده.