د قطر په پلازمېنه دوحه کې د امریکا او طالب استازو خبرې پيل شوې
د افغانستان د سولې عالي شورا تمه ښيي چې په قطر کې به د امریکايي چارواکو او طالب استازو ترمنځ اووم پړاو خبرې بین الافغاني مذاکراتو ته لاره هواره کړي.
د دغې شورا مرستیال عبدالخبیر اوچقون نن ازادي راډيو ته وویل، ټولو په دې توافق کړی چې د سولې د پروسې مالکیت باید د افغانانو په لاس کې وي.
د طالبانو ویاند ذبیح الله مجاهد ازادي راډيو ته په استولي پیغام کې د دغو خبرو پیلول تأیید کړي.
له دې وړاندې طالب پلاوي او امریکايي استازو شپږ ځلې په خپلو کې خبرې کړې وې.