د سولې ولسي حرکت: د حرکت د نیول شویو غړو په اړه طالبانو ډاډ راکړی
د سولې د ولسي حرکت د رسنیو د برخې مسؤل باچا خان مولاداد ازادي راډیو ته وویل:
"تراوسه موږ په خپله د طالبانو له مسؤلینو سره خبرې کړي، هغوی راته وایي چې د هېڅ تشویش خبره نه ده، تاسو مطمیئن اوسئ، کومه خبره نه شته."
د سولې ولسي حرکت د تېرې پنجشنبې په ورځ له لښکرګاه څخه د نادعلي، ګرشک او موسی کلا ولسوالیو په لور حرکت پیل کړ، یوه ورځ وروسته دې حرکت اعلان وکړ چې طالبانو د دوی دېرش تنه بیولي چې بیا یې له دې ډلې شپږ تنه خوشې کړل، نور یې لاهم تری تم دي.
د سولې ولسي حرکت تېرکال په لښکرګاه کې پیل شو او هدف یې د جګړې ښکېلو غاړو ته د سولې د پیغام رسول دي.