حاجي اغا: نیمروز کې د لابراتوارونو نهموجودیت ستونزې جوړې کړي
د دغه بورډ مشر رحمالدین حاجي اغا نن له ازادي راډيو سره په خبرو کې اندېښنه وښوده چې د نیمروز ولایت په ګمرک کې د کرنیزو درملو د لابراتوارونو د نهموجودیت له امله سوداګرو ته اجازه نهورکول کېږي چې دغه توکي راوارد کړي.
د متشبثو عالي بورډ د معلوماتو له مخې نیمروز ولایت ته له ایران، هند او عربي اماراتو نه کرنیز درمل راواردېږي چې له دغه ولایت نه بیا کندهار، هرات، زابل او کابل ته هم لېږل کېږي.