خلیلزاد د سولې پروسې په اړه د سیمې اوسنی سفر بشپړ کړ
ښاغلي خلیلزاد د یکشنبې په ماښام پر خپله ټویټرپاڼه پهدې اړه نور جزئیات نهدي ورکړي، خو لیکلي یې دي چې د سولې هڅې یې پر سم لور روانې دي.
نوموړي پهدې پیغام کې لیکلي چې د افغانستان د سولې پروسې په اړه د سیمې اوسنی سفر یې بشپړ کړ او د دې سفر په ترڅ کې د کوربه هېوادونو د هرکلي او لیدنو ستاینه یې وکړه.
ښاغلي خلیلزاد د جنوري له اتمې نېټې دا سفر پیل کړی و چې په ترڅ کې یې عربي متحده اماراتو، چین، هند، افغانستان او پاکستان ته ولاړ.
تردې یوه ورځ دمخه پاکستاني رسنیو ویلي چې د ښاغلي خلیلزاد او پاکستاني چارواکو ترمنځ د لیدو پر مهال په پاکستان کې د امریکا او طالبانو د استازو د لیدلو خبره مطرح شوې ده.
خو د طالبانو ویاند ذبیحالله مجاهد ویلي چې دوی به د امریکا له استازي سره په اسلام اباد کې ونه ګوري.