بریتانیا او فرانسه وايي په سوریه کې یې ځینې کارونه لا شته
د امریکا ولسمشر تېره ورځ پر خپله ټویټرپاڼه په یوه ویډیویي پیغام کې وویل چې په سوریه کې د داعش پر وړاندې جګړې کې تر تاریخي بریا وروسته د امریکا ټول ځواکونه بېرته خپل هېواد ته ستنېږي.
خو پاریس د پنجشنبې په ورځ په یوې اعلامیه کې ویلي چې د داعش ضد ائتلاف کې پاتېږي او په سوریې کې به خپل حضور ته دوام ورکړي.
بلخوا د بریتانیا حکومت هم اعلامیه خپره کړې او وايي، په سوریه کې د داعش پر وړاندې جګړې کې ډېر کارونه پاتې دي چې باید ترسره شي.
د امریکا د ولسمشر دغه ناڅاپي اعلام د یو شمېر سناتورانو لهخوا هم تر انتقاد لاندې راغلی دی.