پوروشینکو: اوکراين ته د روسانو د سفر مخه نیول شوې
دا روسان چې مخه يې اوکراین ته له ننوتلو نیول شوې ده، له شپاړسو تر شپېتو کلونو عمرونه لري.
دا اقدام وروسته له هغه شوی چې د دواړو هېوادونو تر منځ وضعيت نور هم ترينګلی شو.
روسیې د یکشنبې په ورځ په توره بحيره کې کريميا ته نېږدې د اوکراين درې بېړۍ او ۲۳ د عملې غړي ونيول.
روسیې په ۲۰۱۴ میلادي کال کې کريميا له اوکراینه جلا او په خپله خاوره پورې یې ونښلوله.
پوروشينکو نن پر خپله ټوېټرپاڼه ليکلي چې اوکراین ته د روسانو پر سفر محدوديت وضعه شوی دی چې د ده په وينا، د اوکراین پر خاوره د شخصي دښمنانو د جګړې مخه ونيول شي.
روسیې د اوکراين په ختيځ کې د جلاغوښتونکو ملاتړ کړی.
په نتيجه کې یې د ۲۰۱۴ میلادي کال له اپرېله تر لس زره او درې سوه زیات کسان وژل شوي دي.