پاکستان: د چین پر قونسلګرۍ برید کوونکي هدف ته له رسېدو مخکې وژل شوي
په کراچۍ کې د پولیسو مشر عامر شیخ خبریالانو ته ویلي:
"دوی درې بریدګر وو او درې واړه وژل شوي. دوی د قونسلګرۍ ودانۍ ته په ننوتلو ونه توانېدل. هڅه یې کوله چې د ویزو څانګې ته ننوزي."
بلخوا د پاکستان د بهرنیو چارو وزیر شاه محمود قریشي خبریالانو ته ویلي چې چې په کراچۍ کې د چین د قونسلګرۍ ټول ۲۱ کارکوونکي خوندي ځای ته انتقال شوي او کوم زیان نهدی ور رسېدلی.
د پولیسو د سرچینو په وینا په دې برید کې پر درې بریدګرو سربېره دوه پولیس هم وژل شوي دي.
ځینو رسنیو په برید کې د یوه خصوصي شرکت د یو ساتونکي د وژل کېدو خبر هم ورکړی دی.
د برید مسولیت د "بلوچستان د خپلواکۍ پوځ" په نوم وسلهإوالې ډلې پر غاړه اخيستی دی.