پولیسو په ننګرهار کې ۷۴ کیلو ګرامه نشه يي مواد نیولي
د ننګرهار ولایت د امنیې قوماندانۍ له نشه يي موادو سره د مبارزې مدیر خالد عمر رسنیو ته وویل، په لومړۍ پېښه کې پولیسو د دې ولایت په روداتو ولسوالۍ کې (۱۳) کیلو ګرامه نشه يي مواد ونیول چې په یوه موټر کې ځای پر ځای شوي او په پام کې وه چې مرکز ته یې قاچاق کړي.
په دوهمه پېښه کې یو تن چې غوښتل یې (۶۱)کیلو ګرامه چرس له روداتو ولسوالۍ څخه د ننګرهار ولایت یوې بلې ولسوالۍ ته قاچاق کړي، د تلاشۍ پر مهال ونیول شو.