امریکا د اوکراین په ختیځ کې د روسي بېلتونپالو انتخابات وغندل
دوی دغه انتخابات یوه جعلي پروسه یاده کړې او ویلي یې دي چې هغه په سیمه کې د سولې هڅې زیانمنوي.
د امریکا د بهرنیو چارو وزارت ویاندې هدرناورټ د چهارشنبې په ورځ په واشنګټن کې په یوه بیان کې وویل چې هغه انتخابات چې د دونیڅک او لوهانسک جمهوریتونو په نوم سیمو کې په پام کې نیول شوي غندي.
هغې زیاته کړه دې ته په پام سره چې پردې سیمو د روسیې فدیریشن کنټرول لري له تصوره لېرې ده چې درست انتخابات دې ترسره شي او هغه د مینسک د موافقو پراساس د روسیې له ژمنو سره بشپړپه تضاد کې دي.
د اروپایې ټولنې د بهرني سیاست مشرې پنځه ورځې مخکې هم پر دغه پلان انتقاد وکړ او له مسکو څخه یې وغوښتل چې له خپل نفوذ څخه کار واخلي او د نومبر د یوولسمې نېټې پلان شوي انتخابات لغوه کړي.
بېلتونپالو ویلي چې دغه انتخابات د دې لپاره ترسره کوي چې د سیمې لپاره نوی پارلمان او نوی مشر وټاکي.