بختیار: په ۳۴ ولایتونو کې تر ۶۲۵ ټنو ډېر نشه يي مواد نیول شوي
د کورنیو چارو وزارت له نشهیي موادو سره د مبارزې معین خلیل بختیار رسنیو ته وویل، افغان ځواکونو د روان شمسي کال د اسد په میاشت کې د ۲۹۴ عملیاتو په ترڅ کې د هېواد په ۳۴ ولایتونو کې تر ۶۲۵ ټنو ډېر نشهيي مواد نیولي چې پهدې نشهيي موادو کې هیروئین، تریاک، چرس، کېمیاوي مواد او الکولي مشروبات شامل وو.
ښاغلي بختيار زیاته کړه چې د دې موادو د قاچاقو په تور یې ۳۵۹کسان هم نیولي دي.
په نیول شوېو کسانو کې درې پولیس، د ملي پوځ درې سرتېري او د ملي امنیت دوه کارکوونکي هم شامل دي چې د نشهيي موادو په قاچاقو کې یې لاس درلود.