په کندهار کې یوې ټرافيکي پېښې ۶ کسان ووژل
پېښه نن یکشنبه ماسپښین مهال د کندهار د تخته پل ولسوالۍ په اړوندو سیمو کې د دوو موټرو د ټکر له کبله وشوه.
د کندهار د امنیه قوماندانۍ مرستيال ویاند عبدالبشير خاکسار وایي، په پېښه کې شپږ کسان مړه شوي او اووه نور ټپيان دي چې په ټپيانو کي ښځې هم شاملې دي.
ښاغلي خاکسار زیاته کړه چې د پېښې د علت په اړه د دوی پلټنې پيل شوې دي.
تېز تګ، د سړکونو د سور کموالی او د موټر چلوونکو بېاختیاطي هغه عوامل دي چې ډېر کله پر لويو لارو د خونړیو ټرافیکي پېښو باعث کېږي.