ايران د تېلو د تولید په اړه د روسيې او عربستان پلان رد کړ
په پام کې ده دا پرېکړه روانه اوونۍ د دغه سازمان په غونډه کې د تېلو د بيو د لوړېدو له کبله د مصرفوونکو د شکايتونو په ځواب کې وشي.
د ايران د تېلو وزير بيژن زنګنه پرون ويانا ته رسېدو سره سم وويل:
"فکر نه کوم چې په دې غونډه کې به کومې موافقې ته ورسېږو."
د اوپيک يا د تېلو د لويو توليدوونکو هېوادونو مرکزي دفتر په ويانا کې دى.
مسکو او رياض پېشنهاد کړى چې په ورځ کې د يو میليون او اته لکه بېرله تېلو توليد له کمولو به شاته کېږي.
خو دا هغه اندازه ده چې په ٢٠١٦مېلادي کال کې اوپيک او د تېلو نورو لويو توليدوونکو ورباندې سلا کړې وه.
که څه هم دغه سازمان په نړۍ کې د بيو لوړېدو په خاطر د تېلو د توليد د کمولو پرېکړه کړې، خو اوس د تېلو د بيې د جګېدو له کبله انتقادونه شوي دي.
د امريکا متحدو ايالتونو، چين او د تېلو نورو لويو مصرفوونکو هېوادونو د تېلو د بيو د ټيټېدو غوښتنه کړې ده.