د باجوه په مشرۍ یو پاکستانی پلاوی راتلونکې سې شنبه کابل ته راځي
په اسلام اباد کې د افغانستان سفير ازادي راډيو ته وويل چې د دغه هيئت په ترکيب کې د پاکستان د استخباراتي ادارې مشر جنرال نويد مختار هم شامل دى.
حضرت عمر زاخېلوال وايي، دغه هيئت به د افغانستان له مشرانو سره د سولې په ګډون پر ګڼو مسايلو خبرې وکړي:
"[دغه هيئت] د افغانستان د حکومت له مشرتابه سره ګوري، د دوى په خبرو کې مهم موضوعات مطرح کېږي چې تر ډېره پر سوله او ثبات راڅرخي. باوري يم چې موږ به يو پرمختګ ولرو."
افغان چارواکو په وار- وار پر پاکستان تور لګولى چې د حقاني شبکې په ګډون د وسله والو طالبانو ملاتړ کوي.
خو پاکستان تل دغه تورونه رد کړي دي.