د افغان سوداګرۍ د ودې لپاره په هند کې جوړ شوی نندارتون پای ته ورسېد
د افغانستان د سوداګرۍ او صنایعو خونې ویاند صیام الدین پسرلي نن یکشنبه ازادي راډیو ته وویل، دا نندارتون چې د هندوستان د ممبی په ښار کې جوړ شوی و، پکې په افغانستان کې د ټاپي پروژې له تطبیق سره د منځنۍ اسیا له هېوادونو سره د دغه هېواد د پانګونې او سوداګرۍ په فرصتونو او د کاسا زر او نوري فایبر پروژو په اهمیت خبرې اترې وشوې.
د ښاغلي پسرلي په وینا، د افغانستان د سوداګرۍ او صنایعو خونې استازو او د خصوصي سکټور ځینو غړو په دغه نندارتون کې د هندوستان، ایران او بنګله دېش څخه وغوښتل چې په افغانستان کې پانګونه وکړي.