چارواکي: په بغلان کې په تېرو دوو ورځو کې ۱۸ وسله وال وژل شوي
د بغلان د امنيې قوماندان جنرال اسلام الدین سریع وویل، په تېرو دوو ورځو کې په مختلفو سیمو کې د جګړو او تهاجمي عملیاتو په نتیجه کې، ۱۸ وسله وال وژل شوي او دېرش نور ژوبل دي.
ښاغلي سریع نن شنبه خبریالانو ته وویل، وسله والو ته دا مرګ ژوبله په بورکه ولسوالۍ، د دوشي او پلخمري ترمنځ پر لویې لارې او د پلخمري ښار د خلا زايي سیمه کې رسېدلې ده.
د بغلان د امنيې قوماندان په دې جګړو کې افغان ځواکونو ته د مرګ ژوبلې د اوښتو په اړه څه ونه ویل.
دغه راز د دولت وسله والو مخالفانو هم په دې اړه څه نه دي ویلي.