چارواکي: په هلمند کې د چاودېدونکو موادو ډک ټانک له منځه وړل شوی

د هلمند سیمه ییز چارواکي وايي، په مارجې ولسوالۍ کې له چاودېدونکو موادو ډک حاموي ټانک هدف ته له رسېدو مخکې له منځه وړی دی.


د هلمند ولایت له مطبوعاتي دفتر څخه رسنیو ته په لېږل شوې خبرپاڼه کې ویل شوي چې وسله والو مخالفینو نن چهارشنبې غوښتل له یاد ټانک څخه په استفادې په یاده ولسوالۍ کې روان پوځي عملیات له خنډ سره مخامخ کړي چې مخه یې ونیول شول.


اعلامیه وايي چې د یاد ټانک د له منځه ولو پر مهال یو وسله وال هم وژل شوی او افغان ځواکونو په یادو عملیاتو کې ۳کېلومتره پرمختګ کړی دی.


وسله والو طالبانو تر دامهاله په دې اړه څه نه دي ویلي.