چارواکي: تېره اوونۍ ۱۶ قاچاقیان د نشهيي موادو په تور نیول شوي
له نشهیي موادو سره د مبارزې عدلي او قضایي مرکز ویاند خالد مؤحد د چهارشنبې په ورځ ازادي راډیو ته وویل، دا ۱۶ کسان د هېواد له څلورو ولایتونو څخه د لسګونو کیلو ګرامه نشهيي موادو د قاچاق په تور نیول شوي دي چې دوه پهکې ښځي دي.
له دې کسانو څخه ۹ کیلو ګرامه هیروئین، ۱۸ کیلو ګرامه مورفین، ۲۵ کیلو ګرامه تاریاک، ۶۹ کیلو ګرامه چرس، یوه اندازه نغدې پیسې او درې موټر هم نیول شوي دي.