USAs president Joe Biden reagerer kraftig på at ein aktor i Den internasjonale straffedomstolen Haag (ICC) vil sende ut ein arrestordre på blant andre Israels statsminister Benjamin Netanyahu og Hamas-leiarar, melder Reuters.
– La meg vere klar. Uansett kva aktoren måtte antyde, det er ingen likskapar mellom Israel og Hamas.
Også utanriksministeren i USA, Antony Blinken, avviser ønsket om å sende ut ei arrestordre på regjeringsmedlemmar i Israel.
– Vi avviser at det blir sett likskapsteikn mellom Israel og Hamas. Dette kan sette ein våpenkvileavtale og ein avtale om frigjeving av gissel i fare, seier han i ei fråsegn.
