Juryen i injuriesøksmålet mot Donald Trump, har frikjent ekspresidenten for valdtekt, melder Reuters. Men dei finn han skuldig i å ha misbrukt skribenten E. Jean Carroll seksuelt, og kome med ærekrenkingar. Carroll blir tilkjent til saman 5 million dollar i oppreising for skader og ærekrenkingar. Det svarar til rundt 52 millionar kroner.
Trump kallar dommen for ei skam, ifølge Reuters.
Carroll saksøkte Trump for å ha valdteke henne på 1990-talet, og for å ha ærekrenka henne då han sa at det var løgn då ho stod fram med historia si i 2019.
Juryen brukte litt mindre enn tre timar å bli samde om avgjerda tysdag.
