Tusenvis av israelarar protesterte utanfor Israels nasjonalforsamling Knesset torsdag. Demonstrantane ropte slagord mot den nye regjeringa til Benjamin Netanyahu, melder Haaretz.
Det er sjette gong Netanyahu dannar regjering i Israel. Denne gongen måtte han gjere avtalar med høgreekstreme parti for å sikre seg noko støtte.
Nokre av ministrane er kjent for sine anti-arabiske og homofobiske haldningar.