Helse Møre og Romsdal får kritikk etter dødsfallet til ein eldre pasient. Mannen budde åleine heime og blei sendt til sjukehus etter eit alvorleg fall. Alt etter to dagar blei han skriven ut, og statsforvaltaren konkluderer med at det var uforsvarleg, fordi verken heimetenesta eller fastlegen fekk informasjon til å kunne følge opp mannen heime. Allereie dagen etter fall han på nytt, og blei sendt til sjukehus på nytt. Kort tid etter døydde mannen.