Påtalemakta la ned påstand om 20.000 kroner i bot for den unge ruskøyraren. Sidan mannen i 20-åra hadde fått seg jobb som fiskar, og dermed langt betre inntekt, auka Sogn og Fjordane tingrett bota til 228.000 kroner. Medrekna i bota er også eitt tilfelle av å ha køyrt bil utan førarkort. I tillegg til bota må mannen klare seg to år utan førarkort. Fengselsstraffa på 24 dagar blir utsett med prøvetid på to år.