Politiet har fått kontakt med eigaren av båten som blei funnen drivande ved Rundereim i Selje søndag morgon.
Det er ikkje eigaren som har nytta båten og han veit ikkje kven som har teke den, melder Vest politidistrikt. Båten blei sist sett fortøydd i går kveld og er truleg stolen.
Søndag morgon blei det sett i gang ein stor redningsaksjon etter melding om drivande båt.
– Det som gjorde oss bekymra var at motoren var nede og at den var varm, seier Siv Namork, redningsleiar i Hovudredningssentralen Sør-Noreg.
Politiet opplyser at eit vitne såg ein person om bord i ein liknande båt like før 08.00 utanfor Rundereim.
Redningshelikopter frå Florø, båt frå Røde Kors, politi og brannvesen er med i søket. – Sjølv om båten er teken utan lov, kan det framleis vere nokon som har falt over bord. Vi held fram søket, seier Siv Namork, redningsleiar i Hovudredningssentralen Sør-Noreg.