Minst 18 sivile er drepne etter eit angrep frå islamistgruppa Al-Shabaab i Hiran området i den semi-uavhengige staten Hirshabella i Sentral-Somalia natt til laurdag, melder Reuters.
I tillegg øydela gruppa fleire køyretøy som frakta nødhjelpsmat frå byen Baladweyne til landsbyen Mahas, ifølge sivile. Det statlege nyheitsbyrået Sonna meldte at Al-Shabaab-krigarar hadde drepe personane som var om bord og køyrde køyretøya.
Al-Shabaab, som er kopla til islamistgruppa Al Qaida, har kjempa mot sentralregjeringa i Somalia i fleire tiår.
Førre veke bekrefta Utanriksdepartementet at to nordmenn blei drepne i eit terrorangrep mot eit hotell i hovudstaden Mogadishu i Somalia. Gruppa Al-Shabaab stod bak dette angrepet.