Sykkelprofilen Jakob Fuglsang stiller ikkje på tysdagsetappen i Tour de France. Fire av ti danskar har måtta gi seg sidan rittet starta i København 1. juli.
Fuglsang velta stygt på den 15. etappen søndag. Han pådrog seg brot i eit ribbein og dessutan slagskadar i olbogen og på knea.
Michael Mørkøv må også gi seg etter at han søndag hamna utanfor tidsfristen.
Tidlegare i rittet har både Magnus Cort og Kasper Asgreen måtta bryte. Cort, som vann Tour de Frances 10. etappe og i tillegg sat fleire dagar i den prikkete klatretrøya, stod av før søndagsetappen.
Asgreen vart tvinga til å kaste inn handkleet etter ein kneskade.
Sykkelsirkuset fortset med ein 178,5 kilometer lang og kupert etappe frå Carcassonne til Foix tysdag.
