FNs sikkerheitsråd skal ha blitt einige om å halda nødhjelpskorridoren frå Tyrkia til Syria open i seks månadar til, melder nyheitsbyrået AFP. Ifølge diplomatane AFP har snakka med, er dette i tråd med Russland sitt ønske.
Det opphavlege forslaget frå Noreg og Irland var å halda korridoren open i eit år til, men Russland la ned veto mot forslaget.
Dei siste to åra har grenseovergangen Bab al-Hawa, ved Tyrkias grense i sør, vore den einaste moglegheita til å frakta nødhjelp inn til det attverande opprørskontrollerte området nord i Syria.
Russland er ein nær alliert med Syrias president Bashar al-Assad, og meiner korridorane er eit brot på Syrias suverenitet.
Russland meiner nødhjelpa burde bli transportert inn via den regjeringskontrollerte delen av Syria, som gjev Assad-regimet meir kontroll.
Avtalen vil bli fornya i 2023, med ytterlegare seks månader.
