Claus Johan Ryste held fram som sportssjef for det norske alpinlandslaget. Eit mogeleg VM på norsk jord i 2027 er blant det som motiverer han.
Ryste hadde opphavleg kontrakt ut neste vår.
– Med stadig auke i ressursar som gir oss sjansar for endå betre satsing på breidde og topp, er vi trygge på at Claus Johan er rett person til å leie norsk alpin i Skiforbundet vidare i fem nye år, seier alpinkomite-leiar Ola Evjen til NTB.
Ryste har vore øvste alpinsjef sidan 2010 – ein suksessrik periode for alpinlandslaget. Den siste sesongen har de norske alpinistane verkeleg hevda seg med seks forskjellige vinnarar i verdscuprenn.