Leiaren for utanrikskomiteen på Stortinget, Ine Eriksen Søreide, meiner situasjonen i Ukraina er alvorleg, og seier det er Russland som har ansvaret.
– Dette er den mest dramatiske tryggingssituasjonen i Europa på fleire tiår. Det er fordi Russland nok ein gong prøver å endre historia og landegrenser med militærmakt. Situasjonen har tilspissa seg dei siste dagane, og det er ein situasjon Russland har ansvaret for, seier ho til NRK.
Utanrikskomiteen er på reise til Washington, og skal møte tenketankar og statlege aktørar i USA for å drøfte situasjonen i Ukraina.