Ein personbil og ein brøytebil har kollidert like før avkøyringa til Langeland skisenter i Sunnfjord kommune. Det er tre personar involvert, men ingen av dei skal vere skadde, melder politiet. Det er materielle skader på køyretøya og naudetatane er på staden. Hendinga skjedde i 70-sona på E39, og det er ukjent korleis uhellet skjedde. Det skal vere glatt i området, melder politiet. Det er passasje på staden.