Erling Braut Haaland og Caroline Graham Hansen blei onsdag for andre år på rad kåra til Noregs beste mannlege og kvinnelege fotballspelar.
– Mange norske fotballspelarar presterte på høgt nivå i 2021. Likevel behøvde juryen svært kort tid på å peke ut kva for to spelarar på høvesvis kvinne- og herresida som tronet øvst, seier juryleiar Lise Klaveness.
Borussia Dortmund-stjerna Haaland blei toppscorar i meisterligaen førre sesong, og hamna på 11.-plass i France Footballs Ballon d'Or-kåring i november.
Graham Hansen vant på sin side alt ho kunne vinne med Barcelona, både meisterligaen, serien og cupen i Spania. Ho har også markert seg positivt for Noreg i VM-kvalifiseringa.
Graham Hansen innkasserer sin tredje gullball, mens Haaland har vunne to gonger.
De andre nominerte til årets priser var Martin Ødegaard (Arsenal), Patrick Berg (Bodø/Glimt), Frida Maanum (Arsenal) og Guro Reiten (Chelsea).
