– Kungiyoyin kwadago a karkashin Nigerian Labour Congress (NLC) da Trade Union Congress (TUC) suke shiga yajin aiki saboda cire tallafin man fetur
– Amma akwai bayani wanda gwamnatin tarayya da wata kungiyoyi zasu tattauna saboda karin kudin man fetur
– Inda jaridar Rariya ta bayyana abubuwa guda 6 akan tallafin man fetur
An rahoto akan karin kudin man fetur: Halin da ake ciki
KU KARANTA KUMA: Wadannan mutane sun yi Salla saboda Shugaba Buhari
1. A yau ne, ake sa ran ci gaba da zaman da ake yi tsakanin gwamnatin tarayya da Kungiyar kwadago da nufin cimma matsaya kan karin kudin fetur da aka yi bayan da bangarorin biyu suka kasa Cimma yarjejeniya a zaman da suka yi a jiya Litinin, 16 ga watan Mayu daddare.
2. A halin da ake ciki yanzu, akwai baraka a tsakanin ‘ya’yan kungiyar kwadago inda wasu ke bayan gwamnati musamman bangaren kungiyar ma’aikatan hasken wutar lantarki yayin da bangaren shugaban kungiyar na kasa wato, Kwamared Ayuba Wabba ke adawa da matakin gwamnati.
Dakta Ibe Kachikwu
3. Haka kuma, majalisar wakilai ta roki shugabannin kungiyar kwadagon kan su janye shirinsu na fara yajin aiki inda majalisar Ta kafa wani kwamiti da zai shiga tsakanin bangarorin da abin ya shafa. A jiya Litinin ne, majalisar Ta gayyaci karamin ministan fetur, Dakta Ibe Kachikwu kafin daga baya hatsaniya ta barke a zauren bayan da ‘yan jam’iyyar PDP suka nuna adawa kan matakin.
4. Tuni kuma kungiyar kwadago reshen jihar Kaduna ta umarci ‘ya’yanta kan su fara yajin aiki gobe Laraba, 18 ga watan Mayu
5. A bangaren daya kuma, hukumar kididdiga Ta kasa Ta tabbatar da karuwar farashin kayayyaki da kashi 13.7 wanda ba a taba samun haka ba tun bayan shekarar 2010.
6. A dayan bangaren kuma, darajar takardar kudin Naira ta karu bayan ta fadi warwas a makon da ya gabata a kasuwar bayan fave sakamakon Karin kudin fetur. A yanzu, ana musayar Dalar Amurka daya akan Naira 345 sabanin Naira 361 Akan Dalar kasar Amurka a karshen makon da ya wuce.
The post Ku karanta abubuwa 6 gwamnati da kungiyoyin kwadago zasu tattauna kan man fetur appeared first on Nigeria News today & Breaking news | Read on NAIJ.COM (Nigerian newspapers).