ФСБ: Во светот се формира нова терористичка мрежа

„Лидерите на најголемите меѓународни терористички групи, како што се забранетата во Русија ИДИЛ, „Џебхат ан-Нусра“, остатоците од претходно постоечките структури слични на „Ал Каеда“, почнаа да ја менуваат својата тактика“, изјави Бортников на отворањето на Московската конференција за меѓународна безбедност, пренесува „Взгљад“.

Тој истакна дека причината за спојувањето на екстремистичките групи е опасноста од нивно уништување „во зоните на нивната претходна доминација“. Според последните информации, тие го „активираа префрлувањето во Авганистан, Јемен и во внатрешноста на африканскиот континент“ со цел создавање на бази за бунтовниците.

„Ал Каеда“ ја презеде одговорноста за терористичкиот напад во Петергбург

„Пристигаат информации за преговори на ИДИЛ со други терористички групи за обединување“, додаде Бортников.

„Фактички се работи за формирање на нова масовна терористичка мрежа“, резимираше шефот на ФСБ.

Притоа, според него, дури и одделните екстремистички групи имаат доволно ресурси „за продолжување на криминалната активност“.

Претходно во поздравното писмо до учесниците на конференцијата претседателот на Русија Владимир Путин потенцираше дека борбата против тероризмот на Блискиот Исток и во Северна Африка бара консолидирани пристапи.