Горбачов гледа знаци на почеток на нова студена војна

Како што изјави поранешниот претседател на Советскиот Сојуз во интервју за „Билт“, во моментов се создава впечаток дека светот е на прагот на војна, доколку се земе предвид како големите сили се во конфликт со едни со други.

„Односите помеѓу големите сили продолжуваат да се влошуваат. Тоа создава впечаток дека светот се подготвува за војна. Видливи се сите знаци на студената војна“, изјави тој.

Горбачов: Светот се приближи до опасна зона, треба да се запреме

Тој, исто така, истакна дека реториката на водечките политичари последниве години станува сѐ повоинствена, а медиумите го користат тоа и ги пренесуваат нивните зборови, што уште повеќе додава масло на огнот.

Уште еден знак на претстојната масовна војна е фактот што во некои региони на светот во тек е активна трка во вооружување, а земјите постојано ги преместуваат своите војници.

„Не толку одамна, војските на НАТО Русија беа мошне далеку едни од други. Сега тие стојат лице в лице“, заклучи тој.

Претходно Горбачов ги повика членките на Советот за Безбедност на ООН да донесат на ниво на шефови на држави резолуција за недопустливоста на нуклеарна војна, пренесува RT.