Захарова: Западните медиуми повторно ја клеветат Русија
Портпаролот на МНР на Русија Марија Захарова изјави дека соопштенијата во западните медиуми за тоа дека Русија наводно знаела за подготовката на нападот со хемиско оружје во Сирија се лага.
„Некои западни медиуми не престануваат да објавуваат лажни вести (за тоа дека Русија наводно знаела за подготовката на нападот со хемиско оружје) и просто некакви директни клевети“, изјави Захарова, пренесува „Взгљад”.
Напад на сириската авиобаза. Како ќе реагира Кремљ?
Таа исто така изјави дека тврдењата дека Русија наводно знаела дека се подготвува напад со хемиско оружје врз сирискиот град Хан Шејхун се неодговорни и неконструктивни.
„Веројатно, токму тие преку океанот знаеле дека терористите подготвуваат провокации и затоа однапред ги насочија своите крстосувачки ракети кон сирискиот аеродром Шајрат?“, се прашува Захарова.
Пентагон во понеделникот призна дека засега не се утврдени виновниците за нападот со хемиско оружје во сириски Идлиб.