Организаторите на „Евровизија“ ѝ се заканија на Украина со исклучување

Генералната директорка на Европската радиодифузна унија (EBU) Ингрид Делтерне изјави дека Украина би можела да биде исклучена од „Евровизија“ доколку Киев не ѝ дозволи на Јулија Самојлова да учествува во натпреварувањето, соопшти весникот „Блик“.

Русија не ги прифаќа украинските услови за учество на „Евровизија“

„Однесувањето на Украина е неприфатливо“, изјави Делтерне. „Жал ми е што натпреварувањето се користи за политички цели“.

Делтерне додаде дека, доколку ситуацијата околу Самојлова не се реши во текот на наредниве недели, Европската радиодифузна унија ќе биде принудена да примени крајни мерки, сѐ до исклучување на Украина од натпреварувањето, пренесува „Рамблер“.