Кина ќе гради нови патишта за подобар сообраќај со Русија

Властите на автономниот реон Внатрешна Монголија на северот на Кина планираат во 2017 година да инвестираат 101 милијарда јуани (околу 15 милијарди американски долари) во изградба на нови патишта, особено за подобрување на патниот сообраќај со Русија, пренесува во саботата агенцијата „Ксинхуа“ повикувајќи се на локалната управа за транспорт.

Од Кина до Европа по Транссибирската магистрала

Се соопштува дека Внатрешна Монголија во 2017 година ќе ја забрза изградбата на патиштата кон градовите Манџурија и Ерен Хото „за подобрување на сообраќајот со Русија и Монголија“. Се истакнува дека инвестициите се за 12% поголеми во споредба со минатата година.

Според плановите на локалните власти, годинава ќе бидат изградени 20 илјади километри патишта, вклучувајќи три илјади километри автопат.

Претходно министерот за транспорт на Кина Ли Ксиаопинг изјави дека владата на Кина планира во рамките на реализацијата на 13 петолетка за развој на земјата (2016-2020 година) да инвестира во транспортната инфраструктура 15 трилиони јуани (2,18 трилиони американски долари), од кои 7,8 трилиони јуани (1,13 трилиони американски долари) ќе бидат наменети за изградба на патишта.