Поранешниот командант на Здружените вооружени сили на НАТО во Европа Џејмс Ставридис во програмата на радиото „AM 970“ изјави дека Русија претставува перспективен партнер за Сеерноатлантската алијанса „во многу проблематични сфери“, пишува „Хил“.
Ставридис е убеден дека Алијансата треба да се стреми кон соработка со Москва. „Борба против трговијата со дрога, тероризмот и пиратството, заеднички активности на Арктикот, контрола на ширењето на оружјето, научна, трговска и дипломатска соработка – постојат мноштво сфери за соработка“, изјави адмиралот во пензија на ВМС САД.
4 сценарија за односите помеѓу РФ и НАТО во 2017
Сепак, Ставридис смета дека сојузниците треба да ја „задржат будноста“, затоа што руското раководство „веројатно“ ќе се однесува цврсто спрема Алијансата.
„Ако има потреба, ние ќе дадеме отпор, сепак треба да соработуваме со Москва во секоја прилика“, смета поранешниот командант на НАТО. Според него, новата администрација на САД ќе се раководи токму според тој принцип.
Како што пишува „Хил“, Ставридис долго време го сметаа за еден од веројатните кандидати за функцијата државен секретар на САД. Коментирајќи го изборот на Тилерсон, адмиралот високо ги оцени одлуките на американскиот претседател, изјавувајќи дека Тилерсон и министерот за одбрана на САД Џејмс Матис „се запознаени од прва рака со проблематичните региони во светот“, пренесува РИА „Новости“.
