Шојгу: можно намалување на бројот на руски војници во Сирија

„Создадени се услови за намалување на руската група војници на територијата на Сирија“ изјави министерот за одбрана Шојгу на средбата со претседателот на РФ Владимир Путин, пренесува „Интерфакс“.

Путин соопшти дека се потпишани документите за прекин на огнот во Сирија

Тој истакна дека сите формации со кои се водеа преговори за Сирија, ги потпишале соодветните документи.

Од друга страна, западните медиуми пишуваат дека претставници на сириската опозиција во четвртокот објавија дека се согласни на прекин на борбените дејствија против владините сили. Таков став зазеде Националната коалиција на опозициските и револуционерните сили. Еден од претставниците на оваа група ги повика сите вооружени приврзаници на опозицијата да му се приклучат на примирјето.