Трамп согласен со Путин за американските демократи
Новоизбраниот претседател на САД Доналд Трамп се согласува со рускиот лидер Владимир Путин дека американските демократи и нивниот кандидат кој ги загуби претседателските избори Хилари Клинтон бараат виновници, наместо достоинствено да го прифатат поразот на претседателските избори.
Путин за администрацијата на Обама: Тие загубија на сите фронтови
„Владимир Путин изјави денеска за Хилари и демократите: „Според мене, тоа е понижувачки. Треба да се губи достоинствено“. Тоа е точно!“, напиша Трамп на својот профил на „Твитер“, пренесува РИА „Новости“.
Во петокот Путин изјави дека сегашната администрација на САД го гради својот став за изборите со барање виновници отстрана.