Украина сака да воведе визен режим со Русија
Министерството за надворешни работи на Украина работи на формат за воведување визен режим меѓу Русија и Украина, изјави шефот на украинската дипломатија Павло Климкин во програмата на каналот „1+1“.
Киев планира да ги прошири санкциите против Русија
Како што појасни Климкин, сложеноста се состои во тоа што треба да се предвидат можните контрамерки на Русија како одговор на визите за руските граѓани кои ќе ги воведе Киев. Според него, во Русија живеат неколку милиони државјани на Украина, против кои можат да бидат организирани „провокации“.
Министерот истакна дека во моментов неговиот ресор ја анализира ситуацијата и наскоро време ќе достави предлог за тоа како имено треба да се воведе визниот режим и во кои рокови, пренесува РИА „Новости“.